នារសៀល ថ្ងៃអាទិត្យ ទី០២ ខែមីនា ឆ្នាំ២០២៥ ក្រុមការងាររបស់សមាគមគ្រូបង្រៀនខ្មែរឥស្លាម តំណាងដ៏ខ្ពង់ខ្ពស់ ឯកឧត្តមទេសរដ្ឋមន្រ្តី អូស្មាន ហាស្សាន់ ប្រធានក្រុមប្រឹក្សាភិបាលសមាគមគ្រូបង្រៀនខ្មែរឥស្លាម ឯកឧត្តម ណុះ ស្លេះ ប្រធានសមាគមគ្រូបង្រៀនខ្មែរឥស្លាម បានពាំនាំកញ្ចប់ថវិកាចំនួន 600,000ម៉ឺនរៀល របស់សមាគមគ្រូបង្រៀនខ្មែរឥស្លាម ឧបត្ថម្ភដល់លោកគ្រូ អះម៉ាត់អុលឡាវី អាតាំ ជាគ្រូបង្រៀនក្របខណ្ឌ «ខ» ជានាយកខេត្តក្រចេះ និងជាសមាជិកសកម្មរបស់សមាគមគ្រូបង្រៀនខ្មែរឥស្លាម ដែលមានជំងឺលើសឈាម ដួលសន្លាប់ភ្លាមៗ ត្រូវបញ្ជូនទៅសង្គ្រោះបន្ទាន់នៅ មន្ទីរពេទ្យកាល់ម៉ែត រាជធានីភ្នំពេញ មកដល់ពេលនេះតាមការបញ្ជាក់ពីគ្រូពេទ្យជំនាញបានអោយដឹងថា លោកគ្រូ អះម៉ាត់អុលឡាវីអាតាំ បានដាច់សរសៃឈាមខាងឆ្វេងជាហេតុបណ្ដាលអោយពិការមួយជំហៀងខ្លួនខាងស្ដាំ មិនទាន់អាចកម្រើកបាន និងមានឈាមកកនៅខួរក្បាល ដែលជាហេតុមិនទាន់អាចនិយាយបានច្បាស់ ហើយត្រូវសម្រាកព្យាបាលរយះពេលយូរតទៅទៀត ពេលនេះគាត់មកសម្រាកព្យាបាលនៅគេហដ្ឋានរបស់គាត់នៅខេត្តក្រចេះ ។
