នៅរសៀលថ្ងៃសុក្រ ទី២០ ខែតុលា ឆ្នាំ២០២៣ លោក ហ៊ីម យ៉េប នាយកអប់រំ ខេត្តស្ទឹងត្រែង និងជាអ៊ីម៉ាំខេត្តស្ទឹងត្រែង តំណាង ឯកឧត្តមទេសរដ្ឋមន្រ្តី អូស្មាន ហាស្សាន់ ប្រធានក្រុមប្រឹក្សាភិបាលសមាគមគ្រូបង្រៀនខ្មែរឥស្លាម ឯកឧត្តម ណុះ ស្លេះ ប្រធានសមាគមគ្រូបង្រៀនខ្មែរឥស្លាម បានពាំនាំកញ្ចប់ថវិការ ៥០០,០០០រៀល (ប្រាំសែនរៀល) ចូលរួមជួយដល់លោក អ៊ីត សាត ជាគ្រូបង្រៀនខ្មែរឥស្លាម និងជាសមាជិកសកម្មសមាគមគ្រូបង្រៀនខ្មែរឥស្លាម ដែលមានកូនស្រីម្នាក់ទទួលមរណៈភាព នៅយប់ថ្ងៃព្រហស្បតិ៍ ទី១៩ ខែតុលា ឆ្នាំ២០២៣ នៅភូមិអភិវឌ្ឍន៍ ឃុំអូរឬស្សីកណ្ដាល ស្រុកសៀមបូក ខេត្តស្ទឹងត្រែង។
